Source: FACE韓飯台
短片:
http://facepop.nextmedia.com/realtime/news/20150915/54208535
其實要學好外語真係一啲都唔容易，學到可以流暢地同人溝通就更加難！不過原來Wonder Girls嘅惠林廣東話同英文都好好，真係好叻！
噚晚播出嘅《非首腦會談》中，惠林自爆原來曾經俾人誤認作中國人，佢更加話：「可能因為我在香港生活了14年」，原來惠林喺香港住咗咁耐！主持人當然叫惠林晒吓自己嘅中文實力啦，仲叫節目中嘅中國人代表張玉安同惠林對話。雖然張玉安話自己唔識廣東話，但係都用廣東話同惠林講：「你好」。估唔到惠林可以即刻接話，用廣東話問番張玉安：「你好嗎！你識唔識講廣東話呀？」流利廣東話令所有人都嚇咗一跳！
雖然講廣東話掂，但惠林話都係講韓文及英文最方便同最舒服，令一班外國人出演者非常開心，當然要派代表Guillaume同惠林用英文傾啦。可能同到偶像傾好開心，Guillaume一開口就好似上堂咁，好鬼搞笑！終於Guillaume問惠林多唔多加拿大朋友，惠林即刻用標準嘅英文回答話有加拿大朋友，但唔多（I have some Canadian friends. Not a lot.）。於是Guillaume再問惠林：「What is their names?」奇怪發問令到全場爆笑，仲俾另一位出演者Sam指出佢文法錯誤，認真失威！講番轉頭，原來惠林喺香港讀過國際學校，唔怪得廣東話同英文都咁好啦！
因為家人在香港工作關係，惠林亦喺香港生活咗14年，又讀過國際學校，難怪廣東話同英文都咁好啦。(電視畫面)
惠林講廣東話超流利，仲問張玉安識唔識講廣東話。(電視畫面)
唔知係俾惠林字正腔圓嘅英文嚇親，定係因為太鍾意惠林，Guillaume竟然錯埋啲咁基本嘅文法囉。(電視畫面)
