發新話題
打印

[新聞] [170606] 利用女兒名氣詐騙1.4億 譽恩父親被扣留起訴

[170606] 利用女兒名氣詐騙1.4億 譽恩父親被扣留起訴

轉自[香港蘋果日報]



於噚晚播出嘅韓國綜藝節目《聽到傳聞Show》中,有份擔任節目嘉賓嘅記者就爆料指韓國女團Wonder Girls(WG)前成員譽恩嘅牧師父親,於今年4月涉嫌借女兒藝人嘅名氣,騙取150多名信徒合共約200億韓圜(約1.4億港元),事件被揭發後譽恩父親遭扣留起訴。

據知譽恩父親於2010年起至去年8月以建立「經濟研究所」作為教會機構為藉口,利用女兒嘅名氣及教徒嘅信任,謊稱「如果投資就可以獲得好高利息」,從而騙取金錢。當中記者直言譽恩父親完全當女兒係推銷嘅手段,而其中一名記者又指事件爆出後有聯絡過譽恩,譽恩本人都因為唔知點償還呢筆錢而備受打擊,而且譽恩亦因為呢件事搞到形象受到好大影響。

譽恩喺4月宣佈跟男團2AM出身嘅男星鄭珍雲分手時,同其父親爆出詐騙案時間相近,所以有傳譽恩同鄭珍雲係因為呢件事分手。演出節目嘅記者就表示:「雖然唔確定譽恩父親呢件事同兩人分手有冇關係,但譽恩的確因為(父親詐騙)呢件事好辛苦。」主持人之一嘅金智敏就表示:「作為鄭珍雲嘅好友我好了解佢,佢同譽恩真係到咗要分手嘅時候,只不過同時爆出呢件事,而呢件事影響到兩人形象,佢哋亦冇可能再重新交往,身為好友我都覺得好可惜。」 
I Want NOBODY, NOBODY but W♥nder Girls....

TOP

發新話題